اسلام آباد۔17جون (اے پی پی):وفاقی وزیر اطلاعات و نشریات چوہدری فواد حسین اتے وزیر دفاع پرویز خٹک آ??ھی?? جو اسمبلی اجلاس اچ ہنگامے توں پارلیمان دی سبکی تھئی، سیاستداناں کوں ایندے تے ندامت دا سامݨا کرݨا پیا، ایجھا ماحول پیدا نی تھیوݨا چاہیدا جیں توں ادارے فنکشنل نہ تھیون، حکومت اتے اپوزیشن معاہدے تے پڄ ڳئن جو اجلاس احسن انداز اچ چلایا ویسی ، اساں جمہوریت، آئین اتے پارلیمان کوں مضبوط بݨاوݨ کیتے اپݨا کردار ادا کریندے پئ??، 186 ارکان سپیکر اتے ڈپٹی سپیکر تے اعت??اد دا اظہار کیتے ، بجٹ سوکھیں منظور تھی ویسی ، اپوزیشن کوں پہلے وی آکھدے رہ ڳئیوں جو اوالیکٹورل ریفارمز اتے جوڈیشل ریفارمز تے ڳال کرے ۔ اے ڳال انہاں خمیس کوں پارلیمنٹ ہائوس اچ میڈیا نال ڳال مہاڑ کریندے ہوئیں آکھی اے ۔ وفاقی وزیر اطلاعات چوہدری فواد حسین آ??ھی?? جو اڄ حکومت اتے اپوزیشن دے درمیان تفصیلی ڳال تھئی، ڳال مہاڑ اچ حکومت دی طرفوں پرویز خٹک، اسد عمر، علی محمد خان، عامر ڈوگر اتے او خود جݙاں جو مسلم لیگ (ن) ولوں رانا ثن??ءاللہ، ایاز صادق اتے رانا تنویر اتے پیپلز پارٹی ولوں راجہ پرویز اشرف اتے شازیہ مری شامل ہن ۔ انہاں ݙسایا جو ڳال مہاڑ اچ سارے معاملات تے ڳال مہاڑ تھئی تے اتفاق تھیا جو اسمبلی دے اندر ایجھا ماحول پیدا نی تھیوݨا چاہیدا جیں توں ادارے فنکشنل نہ تھیون، اسمبلی دے اندر ہنگامے توں پارلیمان دی سبکی تھئی ، ایندے نال سیاستداناں کوں ندامت دا سامݨا کرݨا پیا ۔ھک ک??یٹی تشکیل ݙیوݨ دی تجویز پیش کیتی ڳئی جیں اچ معاملات کوں ݙٹھا ویسی جو انہاں کوں کیویں کنٹرول کرݨا چاہیدے ۔ وفاقی وزیر اطلاعات ݙسایا جو سپیکر دے اختیارات کوں ودھاوݨ تے ڳال تھئی ۔ہݨ کمیٹی فیصلہ کریسی جو سپیکر دے اختیارات تے کیویں نظرثانی تے کیویں اڳوں ودھایا ونڄے ۔اپوزیشن توں درخواست کیتی اے جو ڈپٹی سپیکر دے خلاف عدم اعت??اد دی قرارداد واپس گھنے ۔
