اسلام آباد۔9ستمبر (اے پی پی) وفاقی وزیر اطلاعات، نشریات، قومی ورثہ تے ثقافت عطاءاللہ تارڑ آکھیا جو ”کی بورڈ“ نال انقلاب ڳھن آوݨ ??وام کیتے کڄھ نی کر سڳدے، سٹیج تے کھڑ تے تریمتیں کوں للکارݨ آلا دہشت گرداں اتے مجرماں توں ݙردے، اندر توں کھوکھلے انسان صرف دھمکیاں ݙے سڳدن۔ پختون قوم روایات دی امین اے، ماں، دھیریں، ٻھینیݨ دے احترام دی پختون روایت صوبیاں دی اے۔ جلسے اچ جیڑھی زبان استعمال کیتی ڳئی اے او وزیراعلیٰ خیبر پختونخوا دے عہدے دی توہین اے، پی ٹی آئی جلسے اچ لوک خود نی نکلیے، انہاں کوں زبردستی آندا ڳئے۔ اے ڳالھیں انہاں سنوار کوں وفاقی وزیر امور کشمیر تے سیفران انجینئر امیر مقام دے رلے پی ٹی وی ہیڈ کوارٹرز اچ پریس کانفرنس توں خطاب کریندیں ہوئیں آکھی۔ وفاقی وزیر اطلاعات آکھیا جو پختون قوم روایات دی امین اے۔ انہاں آکھیا جو پختون قوم روایات دی امین اے، ماں، دھیریں، ٻھینیݨ دے احترام دی پختون روایت صوبیاں دی اے۔ وفاقی وزیر آکھیا جو ہک صوبے دا وزیراعلیٰ دہشت گرداں اتے مجرماں توں ڈردے پر سٹیج تے کھڑ تے تریمتیں کوں ہلکار ݙیندے، انہاں اچ اتنا دم کائنی جو دہشت گرداں دی اکھیں اچ اکھیں پا تے ڳالھ کر سڳن۔ چنڳا ہوندا جو اے کل قوم کوں ݙسیندے جو صوبے توں دہشت گردی دا ختامہ کینویں تھیسی؟ انہاں آکھیا جو اساں دہشت گردی د?? خلاف جنگ، دہشت گرداں دے عزائم، دہشت گرداں دا سر کچلݨ دی روایت دی روز ڳالھ کریندوں پر وزیراعلیٰ خیبر پختونخوا دہشت گرداں تے ڳالھ کرݨ دی بجائ?? سٹیج تے چڑھ تے ہک تریمت کوں ہلکار ݙیندے۔انہاں آکھیا جو پی ٹی آئی خیبر پختونخوا اچ آپݨے 12 سال دے اقتدار اچ ہک وی معیاری منصوبہ نی لاتا، منافقت دی سیاست انہاں دا وطیرہ اے۔ انہاں آکھیا جو خیبر پختونخوا صوبہ اساکوں دل توں عزیز اے۔ پختوناں دی دل توں عزت کریندوں۔ پختون اساݙے بھرا پر وزیراعلیٰ علی امین گنڈاپور انہاں دے ناں تے ہک دھبہ لاوݨ چاہندے۔ انہاں جلسہ بھرݨ کیتے سرکاری وسائل اتے مشینری دا استعمال کیتے۔ انہاں آکھیا جو تحریک انصاف دے اندر تصادم اے، اے آپݨی ای پارٹی اچ لوکاں دی جڑاں پٹݨ تاں او کیوں تساݙے قافلے اچ رلسن۔ انہاں آکھیا جو خیبر پختونخوا اچ اندھیر نگری چوپٹ راج دا قانون اے، کمیشن مافیا سرگرم اے۔ انہاں آکھیا جو پی ٹی آئی دا ناکام جلسہ پوری قوم ݙیکھ ڳھدے۔ اے کیجھا انقلاب ہئی جیڑھا صرف تریمتیں کوں للکارݨ آیا ہئی۔ انہاں کوں جیڑھا روٹ ݙتا ڳئیا ہئی او کھلا ہئی، انتظامیہ کوئی رکاوٹ نی کیتی۔ سرکاری وسائل دے باوجود ے جلسہ نی بھر سڳیے۔ علی امین گنڈاپور ݙو گھنٹے ایں کیتے لیٹ آئے کیونجو او چاہندے ہن جو ݙینھ دے سوجھلے اچ پڄسن تاں او بے نقاب تھی ویسن۔ انہاں ناکام جلسہ دی کاور مریم نواز اتے اداریاں تے کݙھی۔ انہاں آکھیا جو وزیراعلیٰ خیبر پختونخوا کمیشن ڳھنݨ اتے لوکاں کوں عہدے توں ہٹاوݨ ??چ مصروف ہن۔ جیڑھے لوک انہاں دی کرپشن دا حصہ نی ٻݨدے۔ اے انہاں کوں عہدے توں ہتا ݙیندن۔ انہاں آکھیا جو پی ٹی آئی فارن فنڈڈ جماعت اے، حکیم سعید اتے ڈاکٹر اسرار دے ݙتے ڳئے بیانات تے ارشد شریف ثبوتاں نال پروگرام کیتا ہئی۔ انہاں ݙسیا جو کینویں امریکی نژاد یہودی انہاں کوں فنڈنگ کریندے پئن اتے ہݨ ٹائمز آف اسرائیل وی نشابر کر ݙتے جو اسرائیل نال کوئی تعلقات بہتر کر سڳدے تاں او عمران خان اے۔ ایں توں ثابت تھیندے جو تساں گولڈ سمتھ دے برانڈڈ لابیسٹ ہو۔ اساں یہودی لابی دا سݨدے ہاسے پر اسرائیل دے اخبار وی آکھ ݙتے جو اے یہودی لابی دا حصہ ہن۔ انہاں آکھیا جو پی ٹٰی آئی کون ڳالھیں مندے اتے تشدد دے سوا کڄھ نی امدا۔ اگر انہاں عوام دی خدمت کیتی ہوندی تاں سامھے آویندی۔ اے آئی ایم ایف کوں خط لکھ تے ملک کوں ڈٰیفالٹ کراوݨ چاہندے ہن۔ ہݨ انہاں کوں اے ڳالھ نی ہضم تھیندی پئی جو مہانگ سنگل ڈیجیٹ تے آڳئی اے۔ برآمدات اچ 14 فیصد ودھارا تھیے۔ کل وی آکھیا ہئی جو اے ناکام جلسہ تھیے، لوک نی آئے، انہاں آپݨی ناکامی لُکاوݨ کیتے پولیس تے پتھراؤ کیتے۔ میں کل وی آکھیا ہئی جو تبدیلی دا جذبہ، جنون، انا للہ و انا الیہ راجعون۔ ہک سوال دے ولدے اچ انہاں آکھیا امیر مقام مسلم لیگ (ن) نال اوکھا ویلھا ݙٹھے، اے دلیر بندہ اے، ست حملے برداشت کیتے۔ اللہ تعالیٰ انہاں دی زندگی رکھی۔ ہݨ وی ڈٹ تے سیاست کریندن۔ اساکوں انہاں تے ماݨ اے۔ ہک ٻئے سوال دے ولدے اچ انہاں آکھیا جو اسلام آباد انتظامیہ کوں کل دے جلسے اچ تھیوݨ ??لی خلاف ورزیاں دا پتہ اے۔ انہاں آکھیا جو فیک نیوز بارے ہفتے اچ ہک واری ولا میڈیا کوں بریفنگ ݙیسوں۔ ”کی بورڈ“ نال انقلاب ڳھن آوݨ ??وام کیتے کڄھ نی کر سڳدے، سٹیج تے کھڑ تے تریمتیں کوں للکارݨ آلا دہشت گرداں اتے مجرماں توں ݙردے، اندر توں کھوکھلے انسان صرف دھمکیاں ݙے سڳدن ۔ہک ٻئے سوال دے ولدے اچ انہاں آکھیا جو اپوزیشن پارلیمنٹ دے اندر آپݨا کردار نبھیندی پئی اے۔ سارے کمیٹیاں دا او حصہ ہن۔ جمہوریت دا آئینی نظام چلدا پئے۔ ایجھی محاذ آرائی کائنی جو پارلیمنٹ دا بائیکاٹ کیتا ونڄے یا استعفے ݙے تے گھر ٹر ونجو۔ اپوزیشن نال چنڳی کوآرڈینیشن اے۔ علی امین گنڈا پور جڈاں میٹنگر اچ امدن تاں چنڳے طرح پیش امدن اتے آکھدن جو اتھ اڈیالہ اچ پیشی تھی ویندی اے ایں کیتے خیال کرو۔ انہاں آکھیا جو ملک ڈیفالٹ تھیوݨ ??لا ہئی، 2018 اچ ڈالر 120 روپے دا ہئی، پٹرول 125 روپے فی لیٹر ہئی۔ اساں چار فیصد مہانگ چھوڑ تے ڳئے ہاسے۔ چھی فیصد گروتھ ریٹ چھوڑ تے ڳئے ہاسے۔ اوندے بعد پنگی، گوگی اتے کپتان لٹ تے کھا ڳئے۔ انہاں گوادر اتے نیشنل ایکشن پلان تے کوئی میٹنگ نی سݙی۔ انہاں طالبان کوں سݙ تے وسایا۔ اساں ملک کوں ڈیفالٹ توں بچائے۔ اڄ ڈالر دے مقبالے روپیہ ٹک ڳئے۔ برآمدات چوݙاں فیصد ودھین۔ مہانگ سنگل ڈیجٹ تے آڳئی اے۔ مستقبل اچ پالیسی ریٹ ٻیا ڳھٹ تھیسی۔ سرمایہ کاری ودھسی۔ اساں معاشی بحالی د?? راہ تے ٹر پیوں۔ گرمی د?? موسم اچ بجلی د?? مد اچ وفاق 150روپے اتے پنجاب 45 ارب روپے دی سبسڈی ݙتی۔ اے عوام دوست پالیسیاں ہن۔ انشاء اللہ ٻہوں جلدی ویلھا امسی جو عوام کوں ریلیف ملسی۔ اساں نیک نیتی نال کم کریندے پئیوں۔ شہزاد اکبر، زلفی بخاری، شہباز گل سارا سارا ݙینھ پریس کانفرنس کریندے نہ تھکدے ہن۔ ویلھا آیا توں اے سارے ٻاہر ٻھج ڳئے۔ ہک سوال دے ولدے اچ انہاں آکھیا جو کݙاہیں وی ملک دی سالمیت کوں داؤ تے نی لاتا۔ کہیں اے نی آکھیا جو خان نئیں تاں پاکستان نئی۔ لوکاں لاشاں چاتی اتے پاکستان کھپ?? دے نعرے لاتے۔ اساݙا لیڈر ذال کوں مرݨ منجھی تے چھوڑ تے پاکستان آیا اتے آپݨے خلاف کیسز دا سامݨا کیتا اتے ملک تے آنچ نی آوݨ ݙتی۔ انہاں آکھیا جو کڄھ لوک بنگلہ دیش دے شیخ مجیب کوں آپݨے نال رلیندے ہن۔ اے بنیادی طور وقت پرست اتے موقع پرست لوک ہن۔ ہک سوال دے ولدے اچ انہاں آکھیا جو صحافیاں نال عزت تے احترام را رشتہ اے۔ صحافی د?? کوئی سیاسی جماعت نی ہوندی۔ انہاں دے ںظریات تھی سڳدن، او کہیں کوں چنڳے یامندے لڳ سڳدن۔ تریمتیں صحافیاں بارے پی ٹی آئی د?? جلسے اچ جو ڳالھ کیتی ڳئی اے اے پی ٹٰ آئی دا وطیرہ اے۔ انہاں آکھیا جو حکومت سارے صحافیاں اتے میڈیا اداریاں نال ہکو سواں سلوک رکھیے۔ میڈیا انڈسٹری د?? اشتہار بند نی کیتے۔ میڈیا ورکر کہیں سیاسی پارٹی دا نی ہوندا۔ او روزی روٹی کماوݨ گھروں امدے۔ انہاں کوں دھمکیاں ݙیوݨ ??ی مذمت کریندوں۔
