وزیرخزانہ اسحاق ڈاربین الاقوامی مالیاتی فنڈ اتےعالمی بینک دے حکام نال ڳالھ مہاڑ کیتے امریکا روانہ

اسلام آباد۔11اکتوبر (اے پی پی):وفاقی وزیرخزانہ ومحصولات سینیٹرمحمداسحاق ڈاربین الاقوامی مالیاتی فنڈ اتے عالمی بینک دے حکام نال ڳالھ مہاڑ کیتے منڳل کوں امریکا روانہ تھی ڳئن ۔وزیرخزانہ اسحاق ڈاراپݨے دورہ امریکا دے درمیان آئی ایم ایف اتے عالمی بینک دے اعلیٰ انتظامی عہدیداراں نال ملاقاتاں کریسن ، انہاں ملاقاتاں اچ بین الاقوامی مالیاتی فنڈ اتے عالمی بینک دی طرفوں پاکستان دی معاونت متعلق امور تے تفصیلی ڳالھ مہاڑ تھیسی ۔وزیرخزانہ قرضہ ݙیوݨ آلے کثیرالجہتی شراکت داراں نال وی ڳالھ مہاڑ کریسن ۔ دورہ امریکا دے دوران وزیرخزانہ آئی ایم ایف اتے عالمی بینک دے حکام کوں سیلاب توں ملکی معیشت کوں تھیوݨ آلے ضیان تے جامع وپائیداراقتصادی نموکیتے موجودہ حکومت دے اقدامات دا وی ݙسیسن۔

مضمون کا ماخذ : سانتا کا سرپرائز

متعلقہ مضامین