گڏيل قومون-22 آگسٽ (اي پي پي) پاڪستان ڪشمير ۽ فلسطين جهڙن تڪرارن کي حل ڪرڻ، تڪرارن جي پيدائش جي موثر روڪٿام ۽ متاثر ملڪن ۾ امن قائم ڪرڻ لاءِ موثر نقطه نظر کي جوڙڻ جي حوالي سان نئين سوچ اختيار ڪرڻ جي ضرورت تي زور ڀريو آهي. گڏيل قومن جي پاڪستان جي مستقل نمائندي منير اڪرم گذريل ڏينهن گڏيل قومن جي سلامتي ڪائونسل ۾ تڪرارن جي روڪٿام، امن امان جي قيام تي هڪ اعليٰ سطحي بحث دوران خطاب ڪندي چيو آهي ته هڪ جامع ۽ مربوط حڪمت عملي جي ضرورت آهي جيڪو تڪرارن جي روڪٿام ۽ تڪرارن جي حل لاءِ قومي ڪوششن جي لاءِ علائقائي ۽ عالمي مدد فراهم ڪري. پاڪستاني نمائندي چيو ته اهڙي طرح جي حڪمت عملي ۾ مصيبت ۾ گهيريل رياستن جي لاءِ معاشي ۽ مالي مدد روزگار ????دا ڪرڻ ۽ ??عت??اد ۽ اميد پ??دا ڪرڻ صلاحيت سازي جي تعمير، حڪومتن کي مقامي آبادي کي گهربل بنيادي خدمتون فراهم ڪرڻ جي قابل بڻائڻ شامل هجڻ گهرجي. هن پرڏيهي استحصال جي خاتمي جو مطالبو به ڪيو جيڪو تشدد ۽ دهشتگردي کي هوا ڏي ٿو. هي اجلاس اولهندي آفريقي ملڪ سيراليون طرفان گهرايو ويو هو جيڪو آگسٽ لاءِ سلامتي ڪائونسل جي صدارت جا فرض سرانجام ڏئي رهيو آهي ۽ هي اجلاس عالمي سطح تي تڪرارن ۾ واڌ جي پس منظر ۾ منعقد ڪيو ويو. پاڪستاني نمائندي چيو ته انهن تڪرارن جو بنيادي سبب ۽ نوآبادياتي وراثت، خوراڪ جي کوٽ، پاڻي ۽ گئوچر لاءِ مقامي جدوجهد، قيمتي قومي وسيلن لاءِ پرڏيهي چٽاڀيٽي ۽ ماڻهن جي سياسي ۽ اقتصادي منزلن کي ٻيهر حاصل ڪرڻ جي جدوجهد کي دٻائڻ لاءِ مداخلتون شامل آهن. پاڪستاني نمائندي سلامتي ڪائونسل کان غزه ۾ اسرائيل طرفان فلسطينين جي نسل ڪشي جي خاتمي جو مطالبو ڪندي چيو آهي ته پرڏيهي قبضي ??ا نتيجا ڀارت جي غير قانوني قبضي هيٺ والاريل ڄمون ڪشمير ۽ فلسطين ۾ ڪٿي به واضح ناهن. هن سلامتي ۽ بنيادي ضرورتن ۽خدمتن جي فراهمي کي تسليم ڪندي چيو ته تشدد ۽ دهشتگردي جي قوتن خلاف سماجي هم آهنگ جي تعمير ضروري آهي. هن چيو ته اهڙي طرح جي قومي حڪمت عملي آفريقا ۽ ٻين ملڪن ۾ اسان کي درپيش پيچيده بحرانن کي منهن ڏيڻ لاءِ ڪافي ناهي، ان مان اڪثر تڪرارن جو پکيڙ اندروني ۽ پرڏيهي مداخلت ٻنهي سببن جي ڪري ٿيو آهي جن کي سمجهڻ ۽ حل ڪرڻ ضروري آهي.
.jpg)