اسلام آباد – 10 آڪٽوبر (اي پي پي) وزيراعظم عمران خان سان ڪامياب جوان يوٿ انٽر پرينيورشپ اسڪيم تحت نوجوانن کي آسان قرضن جي فراهمي جي حوالي سان سڄي ملڪ جي بئنڪن جي صدرن ۽ سربراهن ملاقات ڪئي آهي. ملاقات ۾ ناڻي واري صلاحڪار ڊاڪٽر ??بد??لحفيظ شيخ، واپار واري صلاحڪار ??بد??لرزاق دائود، سڌارن واري صلاحڪار ڊاڪٽر عشرت ??سين، نوجوانن جي معاملن واري خاص معاون محمد عثمان ڊار ۽ اسٽيٽ بئنڪ جي گورنر پڻ شرڪت ڪئي. وزيراعظم ميڊيا آفيس پاران جاري هڪ پڌرائي موجب نوجوانن جي معاملن واري خاص معاون پاران ڪامياب جوان يوٿ انٽر پرينيورشپ اسڪيم تحت نوجوانن کي آسان قرضن جي فراهمي جي حوالي سان اجلاس کي ٻڌايو ويو ته حڪومت نوجوانن کي ڪاروبار جا بهتر موقعا فراهم ڪرڻ جي لاءِ ٽن سالن جي لاءِ سئو ارب رپيا رکيا آهن. ان حوالي سان هيستائين 4 لک 70 هزار درخواستون ملي چڪيون آهن جن جي وقت سر ڇنڊڇاڻ ڪري قرضن جي فراهمي جو سلسلو ج??ري آهي.