اسلام آباد۔22ستمبر(اے پی پی) ایران دے سینئر عہدیدار حسین جابری انصاری کوں اسلامی جمہوریہ نیوز ایجنسی(ارنا)دا نواں چیف ایگزیکٹو افسر مقرر کر ݙتا ڳئے ، ایسوسی ایٹڈ پریس آف پاکستان (اے پی پی) دے منیجنگ ڈائریکٹر محمد عاصم کھچی حسین جابری انصاری کوں ارنا دا نواں سی ای او مقرر تھیوݨ تے مبارخ ݙتی اے ۔ ا??نا موجب جابری انصاری گزریل ترائے ݙھاکیں توں ایران دی وزارت خارجہ اچ مختلف عہدیں تے فائز رہیے جنھاں اچ عرب اتے افریقی امور دے نائب وزیر دے منصب وی شامل ہن۔ انہاں خارجہ امورتے ٻہوں کتاباں لکھئن تے ترجمہ کیتن ، جنھاں اچ تازہ ترین اشاعت جیں اچ ”اسپارک آن ونز چیسٹ” وی شامل اے جیڑھی جو فلسطینی مصنف منیر شفیق دی عربی کتاب ” فرام اے سپارک ٹو این ادر سپارک “دا ترجمہ اے۔ ا??نا دے نویں سی ای او اتوار کوں آپݨے اعزاز اچ منعقدہ تقریب توں خطاب کریندے آکھیے او ایران دے صدر مسعود پیزشکیان دی انتظامیہ دی طرفوں طے کیتے ڳئے قومی اتحاد دے اصولاں تے گہری نظر رکھیسن ۔ حسین جابری انصاری ارنا دی 90 سالہ تاریخ کوں ایران اتے خطے اچ خبراں دا ھک اہم ذریعہ قرار ݙتے۔ ایسوسی ایٹڈ پریس آف پاکستان (اے پی پی)دے منیجنگ ڈائریکٹر محمد عاصم کھچی حسین جابری انصاری کوں ارنا دا نواں سی ای او مقرر تھیوݨ تے مبارخ ݙتی اے۔ اپݨے تہنیتی سنھیے اچ ایم ڈی اے پی پی آکھیے جو اے پی پی تے ارنا وچال سانجھیاں خبراں دے تبادلے دا معاہدہ اے اتے ݙوہیں بھرا ملکاں دے عوام تے حکومتاں دے فیدے سانڳے روزانہ دی بنیاد تے اہم خبراں دا تبادلہ کریندن ۔ایم ڈی اے پی پی ارنا اتے اے پی پی وچال مزید تعاون تے زور ݙیندے مزید آکھیے جو ݙوہیں نیوز اداریں دی اعلی انتظامیہ کوں سانجھیاں خبراں ایکسچینج پروگرام کوں جدید خطوط تے اپ گریڈ کرݨ سانڳےھک ݙوجھے دے ادارے دا دو??ہ کرݨا چاہیدے
