اسلام آباد۔10فروری (اے پی پی):وزیراعظم عمران خان آکھیے جو گورننس دا مقصد عوام دی زندگی اچ بہتری گھن آوݨ اے ، جزا و سزا دے بغیر کوئی وی سسٹم کامیاب نی تھی سڳدا ، بہتر ??ارکردگی دا مظاہرہ کرݨ آلیاں وزارتاں کوں بونس اتے مراعات ݙتیاں ویسن ، مسئلیں دے حل کیتے غیرروایتی سوچ اتے طرزعمل اختیار کرݨا ہوسی، نیب اچ اصلاحات دے بعد بیوروکریسی کنے کم نہ کرݨ دا کوئی بہانہ کائنی ، اے ڳالھ انہاں خمیس کوں اتھاں بہترین کارکردگی دا مظاہرہ کرݨ آلی 10 وفاقی وزارتاں اچ تعریفی اسناد تقسیم کرݨ دی تقریب توں خطاب کریندے ہوئیں آکھی اے ، ایں موقع تے وفاقی وزرا ، معاونین خصوصی، وفاقی وزارتاں دے سیکرٹریز اتے اعلیٰ سرکاری حکام وی موجود ہن۔ وزیراعظم تقریب اچ بہترین کارکردگی دا مظاہرہ کرݨ آلیاں وزارتاں جنہاں اچ وزارت مواصلات، منصوبہ بندی و ترقی، تخفیف غربت، وفاقی تعلیم، انسانی حقوق، صنعت و پیداوار، قومی سلامتی ڈویژن، تجارت، داخل?? اتے قومی غذائی تحفظ شا??ل ہن، انہاں کوں تعریفی اسناد ݙتن۔ وزیراعظم وزارتاں دی کارکردگی جانچݨ دا نظام لاگو کر?? تے ارباب شہزاد اتے انہاں دی ٹیم کوں مبارخ ݙتی ۔ وزیراعظم آکھیے جو آندی تقریب دے انعقاد توں پہلے بہترین کارکردگی دا مظاہرہ کرݨ آلیاں وزارتاں دے ناں افشا نہ کیتے ونڄن تاں جو سارے وزرا تقریب اچ موجود ہوون تے انہاں دی وزارت دی کارکردگی ساریں دے س??مݨے آشکار تھیوے تاں جو جنہاں وزارتاں دی کارکردگی زیادہ بہتر ??ائنی تے جنہاں منسٹرز کم نی کیتا انہاں اچ کم کرݨ دی تحریک پیدا تھیوے۔ وزیراعظم آکھیے کوئی وی سسٹم جزا و سزا دے بغیر کامیاب نی تھی سڳدا ۔ وزیراعظم نجی شعبہ دے ہسپتالاں دی مثال ݙتی جنہں اچ تنخواہیں اتے مراعات سرکاری ہسپتالاں توں گھٹ ہن انہاں دی کارکردگی بہتر اے کیوں جو اتھاں ترقی اتے مراعات سنیارٹی دی بنیاد تے کائنی بلکہ کارکردگی دی بنیاد تے ݙتی ویندی اے ،وزیراعظم آکھیے جو حکومت کارکردگی کوں ݙیھکݨ دا نظام بݨائے جیں توں سرکاری اداریں دی کارکردگی اتے گورننس اچ بہتری آسی ۔ وزیراعظم مواصلات دے وفاقی وزیر مراد سعید کوں بہترین کارکردگی تے مبارکباد ݙیندے ہوئیں آکھیے جو او نوجوان وزیر ہن تے انہاں بہترین کم کیتے ۔ وزیراعظم آکھیے جو ملک کوں خودانحصاری دے پاسے ٹورݨ کیتے وزارتاں دا کردار اہم اے، ۔ وزیراعظم آکھیے جو نیب اچ اصلاحات دے بعد ہݨ بیوروکریسی کنے کم نہ کرݨ دا کوئی بہانہ کائنی ۔
.jpg)
.jpg)
