مظفر آباد ۔ 5 اگست (اے پی پ??) وزیراعظم عمران خان آکھیے جو مسلہ کشمیر جگ دے ہر فورم تے چیسوں،مودی کشمیر دی خصوصی حیثیت مکاونڑ دا متکبرانہ فیصلہ کرتے بہوں گندا پھس چکیے،ایندا مکیواکشمیر دی آزادی تے ونج تھیسی،اج پورا جگ کشمیر تے اٹھی کھڑا تھئے اتے مودی بے نقاب تھی گئے،اے مسلہ بئے زور نال جگ اچ چاتا ویسی،سیّد علی گیلانی کوں 14 اگست تے نشان پاکستان ڈتا ویسی۔اے گالھ انہاں یوم استحصال دے موقع تے دورہ مظفر آباد ویلھے آزاد کشمیر قانون ساز اسمبلی نال خطاب اچ آکھی۔ انہاں آکھیا جو پاکستان اچ ودھ صلاحیت اے جو اوجگ اچ تیزی نال اگو تے ودھے،ساکوں مایوس نئیں تھیونڑاں چاہیدااتے اپنڑی منزل دو دید رکھنڑی چاہیدی اے۔انہاں آکھیے جو میکوں وزیراعظم آزاد کشمیر دی تقریر سنڑ تے لگدے جو او اندرومایوس ہین،میڈی سوچ ایندے توں بئی اے جو اللہ پاک کشمیریاں کوں او دور اچ گھدی ویندے جڈاں اوآزاد ہوسن،مودی 5 اگست 2019ءکوں ہک بہوں وڈی غلطی کر بیٹھے ،او پاکستان دے خلاف نفرت کھنڈیندا ??ھنڈیندا آپ کلہا تھی گئے اتے اج پورا جگ اوندے تے انگلیں چیندا پئے، کشمیر دا مسلہ پورے جگ اچ اگونہا تھی گئے،جیکر پاکستان چپ راہندا تاں مودی کامیاب تھی ویندا بھل ساڈی حکومت دے ویلھے سر اقدامات اتے جگ اچ مسلہ اگونہا کرنڑ نال مودی ہنڑ ہر پاسوپھس چکیے،کشمیر اچ مظالم تاں پہلووی ہن بھل پنج ا گست توں بعدجیڑھی دہشتگ کھنڈائی گئی اے ایندا الٹا نتیجہ نکلیے،نہ کشمیری گوڈے ٹیکنڑ کوں تیار ہین ،نہ پاکستان پچھو تے ہٹسی،بھارت ولوں مقبوضہ جموں اتے کشمیر دی آبادی دا تناسب وٹاونڑ دی کوشش وی ناکام تھیسی،اے بھارت دفی وڈی سٹرٹیجک غلطی اے جیندا حساب ایکوں ڈیونڑا پوسی۔ انہاں آکھیے جو ترائے واریا قوام متحدہ اچ اے مسلہ چاونڑ، ٹرمپ نال الواونڑ،عالمی میڈیا کوں سجاکاکرنڑ اچ پی ٹی آئی حکومت اہم کردارادا ??یتے،پورے جگ کوں پتا لگے جو مودی دا نظریہ وی ”نازی “اے،مودی او لیڈر اے جئیں ہمیشہ نفرت ہی کھنڈائی اے بھاویں او گجرات ہووے یا کشمیر،اج پورا جگ مودی کوں لعن طعن کریندا پئے۔ وزیراعظم آکھیے جو میں کشمیریاں کوں ظلم و جبر دے باوجود پاکستان دا پرچم چاونڑ اتے دلیری نال ڈٹ ونجنڑ تے خراج تحسین پیش کرینداں، کشمیر دے نوجوان دے دل ڈر توں نکل گین، مودی لکھ مظالم دے باوجود کشمیریاں دا جذبہ نئیں تروڑسگیا،ہنڑ کشمیر اچ حالات بئے وگڑسن اتے بھارت بند گلی اچ پھس گئے،جیکر پچھو تے ہٹسی تاں کشمیر آزادتھیسی او کتنی دیر اتھاں رہ سگدے۔وزیراعظم عمران خان آکھیے جومسلہ کشمیر پہلے وی زور نال چاتے بھل ہک جماعت دے دھرنے پاروں اے مسلہ پچھوتے لگا گئے بھل اساں ہک واری ایکوں بھرپور انداز اچ چاون?? کیتے منصوبہ بندی کر گھدی اے۔نویں سیاسی نقشے بارے وزیراعظم آکھیا جو نظریہ ہی کامیابی دی پوڑی ہوندے،ایں نقشہ نال مسلہ کشمیر اگونہا تھیسی جو اے ہک متنازعہ علاقہ اے،ایندا فیصلہ سلامتی کونسل دی قرارداداں دے تحت تھیونڑا چاہیدے۔
