کوئی وی ملک یا ادارہ افغانستان دے مالیاتی بحران اتے انسانی المیے کوں روکݨ کیتے کلھیں کڄھ نی کر سڳدا، سانجھی کوششاں دی لوڑھ اے، چیئرمین اسلامی ترقیاتی بینک ڈاکٹر محمد الجسر
APP07-191221
ISLAMABAD: December 19 Secretary-General of the Gulf Cooperation Council (GCC) Dr. Nayef Falah Mubarak Al Hajraf addresses at the 17th Extraordinary Session of OIC Council of Foreign Ministers at Parliament House. APP photo by Irfan Mahmood
اسلام آباد۔19دسمبر (اے پی پی) اسلامی ترقیاتی بینک دے چیئرمین ڈاکٹر محمد الجسر آکھیا جو کوئی وی ملک یا ا??ارہ افغانستان دے مالیاتی بحران اتے انسانی المیے کوں روکݨ کیتے کلھیں کڄھ نی کر سڳدا، سانجھی کوشش??ں دی لوڑھ اے۔ افغانستان کوں انسانی ہمدردی دے تحت امداد دے نال نال دیرپار ترقی اتے مالی امداد ݙیوݨ دی لوڑھ اے۔ او اتوار کوں اتھاں اسلامی تعاون تنظیم (او آئی سی) دے وزرائے خارجہ دی کونسل دے 17 ویں غیر معمولی اجلاس توں خطاب کریندے پئے ہن۔ انہاں آکھیا جو عوام نال اظہار یکجہتی کیتے کٹھے تھیوں۔ اسلامی ترقیاتی بینک دے چیئرمین آکھیا جو عالمی برادری کوں ماضٰ توں سبق سکھݨا چاہیدے اتے افغانستان دے مسئلے کوں حل کرݨ کیتے آپݨ?? کردار اد?? کرݨا چاہیدے۔ انہاں آکھیا جو بین الاقوامی اداریاں اتے علاقائی تنظیماں کوں اڄوکی صورتحال اچ افغانستان دی مدد کرݨٰ چاہیدی اے۔ انہاں آکھیا جو بینک 1975ء توں اسلامی دنیا اچ خدمات ݙیندا پئے اتے گزریل 46 سالیں اچ اوں او آئی سی دے رکن ملک??ں دی پوری مدد کیتی اے جئیں دا قمصد انہاں کوں اقتصادی اتے سماجی طور مضبوط کرݨ اے۔ انہاں آکھیا جو افغانستان کیتے ہیومینیٹیرن ٹرسٹ فنڈ قائم کیتے۔ اسلامی ترقیاتی بینک افغانستان اچ مالیاتی رابطے کیتے وی کردار اد?? کریسی۔ اسلامی ترقیاتی بینک دے چیئرمین او آئی سی وزراءخارجہ کونسل کانفرنس کراوݨ تے پاکستان اتے سعودی عرب دا شکریہ ادا کیتا۔ اسلام آباد اچ افغانستان دی صورتحال تے غور کیتے او آئی سی وزراءخارجہ کانفرنس اچ وزیر اعظم عمران خان، وزیر خارجہ مخدوم شاہ محمود قریشی، او آئی سی دے سیکرٹری جنرل، رکن ممالک دے وزراء خارجہ، مندوبین اتے مبصرین دے علاوہ اقوام متحدہ دی مختلف تنظیماں، بین الاقوامی مالیاتی ادارے، پی فائیو، یورپی یونین اتے بئے اداری??ں دے نمائندے وی شریک تھیے۔
