اسلام آباد۔2اگست(اے پی پی) وزیرمملکت خزانہ علی پرویز ملک آکھیے حکومتی اقدامات دے نتیجے اچ معیشت دے کلیدی اشاریے مثبت ہن ، زرمبادلہ دے ذخیرے اچ ودھارا تھیندا پئے مہانگ گھٹ تھیندی پئی اے جݙاں جو سٹاک مارکیٹ اچ تکھے معیشت تے سرمایہ کاراں دے اعتماد دی عکاسی تھیندی پئی اے۔اے ڳالھ انہاں پاکستان اچ فرانس دے سفیر نکولس گالے کوں ملاقات اچ آکھی اے ۔ وزیر مملکت فرانسیسی سفیر کوں قومی معیشت دی مجموعی صورتحال دا ݙسائے تے آکھیے معاشی اشاریے چنڳائی ݙیکھندے پئن ۔ بین الاقوامی ریٹنگ ایجنسیاں پاکستان دی کریڈٹ ریٹنگ چنڳی کرݙتی اے ، نجکاری اتے توانائی دے شعبہ اچ اصلاحات ، سرکاری ملکیتی اداریں دی ری سٹرکچرنگ سودھے مجموعی طورتے ڈھانچہ جاتی اصلاحات دا عمل اڳوں ودھایا ویندا پئے ۔ ایف بی آ ر دی ڈیجیٹلائزیشن دا عمل جاری اے۔ ایں ضمن اچ میکنزی دی خدمات ڳھدیاں ڳئن ۔ حکومت ٹیکس ودھاوݨ تے ٹیکس نظام اچ شفافیت کیتے پرعزم اے۔ وفاقی بجٹ اچ ٹیکس دی بنیاد ودھاوݨ سانڳے ھک پروگرام رکھیا ڳئے ۔ حکومت نان فائلرز کوں فائلر بݨاوݨ سانڳے اہم اقدامات کریندی پئی اے۔ ملاقات اچ کسٹم اتے ان لینڈ ریونیو دے منصوبیں دا وی جائزہ ڳھدا ڳئے تے ݙسایا ڳئے ڈیجیٹلائزیشن دے ذریعے انھاں اداریں دی آپریشنل استعداد کوں ودھایا ویسی ۔فرانسیسی سفیر اصلاحات دے عمل تے حکومت دی تعریف کیتی تے آکھیے فرانس دی حکومت ایں ضمن اچ تکنیکی معاونت۔ کریسی ۔ انہاں پاکستانی معیشت دے است??کا?? دی تائید کیتی تے ایں امید دا اظہار کیتے جو معیشت دے سارے شعبیں اچ پیشرفت دا سلسلہ جاری رکھیسوں۔ فر??قی?? ݙو پاسے اقتصادی تعلقات ودھاݨ ، سانجھی تجارت اچ ودھارا تے سرمایہ کاری دے نویں موقع ڳولݨ تے اتفاق کیتے
